Gensan's 10th Tuna Festival "A decade of fish-tivities and oppor-Tuna-ties"

Tuna Festival Culinary Expo (Table setting Competition)
Gaisano Mall, Gensan City

Sang nagligad nga semana nag agi ako sa Gaisano Mall kay mabakal tani ko sang ika-duha nga libro sang "Twilight Saga" ang "New Moon" sa may National Bookstore. Pagsulod ko pa lang sa entrance sang mall natingala ko ngaa daw kagutok gid sang mga tawo kag pirti ka gahod, kay gali may ara sang Table setting competition nga ginsalihan sang mga naglainlain nga mga eskwelahan dire sa gensan. Nagsuksok man ako to kag mag du-aw, ay abaw kanami gid gali sang ila ginpanghimo. Daw pang professional gid ang dating kag native inspired ang setting. Samtang naga libot ako tan-aw, waay man untat pitik ko sang akon camera. Ari ang iban sang mga kuha ko...

Waay lang ako kabalo kung sin-o ang mga tag-iya sang mga entry kay nalingaw na ko ka tan-aw, waay na man ako kapamangkot kung diin ang mga nagdaraug na entry.

Sa akon pag lagaw-lagaw sa sulod sang mall, na-agyan ko si mayor nga naga pangamusta sa mga kandidata sang Ms. Gensan. Ka mga gwapa gid sa ila, smarte kag talented. Kanami man sang dekorasyon sa Atrium sang Gaisano kung diin ginbutang ang stage sa tunga, kag sa ibabaw may naga biritay nga mga tuna. Kanami gid tan-awon sang atrium kung ara ka sa ibabaw, malingaw gid imo mata katan-aw tan-aw.