Kabus

Kabus gyud kaayo ang panginabuhi karun. Kinahanglan gyud nato mukayod ug husto sa tanang butang atong pagahimuon. Parehas aning sa litrato, ang basura sa uban mahimong bulawan sa iyaha. Sa pagtinguha niyang mabutangan ug unod ang hapdos nga tiyan, kinahanglan pang mukutkot ug yuta para mangita ug puthaw arun ibaligya sa junk shop. Ingon ana kalisod ang panginabuhi sa tawo sa kalibutan, pati mga bata gisayang ang kinabuhi sa pagkutkot sa mga basura nga unta naa ni sila sa mga eskwelahan nagatuon. Pero unsaon man nga wala gani ikapalit ug pagkaon, mugasto pa sa eskwelahan? Ikaw… nga ang mga ginikanan nag-antos sa pagtrabaho arun naay ipakaon ug ipa-eskwela sa imuha sa maarang-arang nga eskwelahan, sa pangandoy nga matagaan ka ug nindot nga kaugmaon, nganong wala man ka sa eskwelahan? Giuna pa ang pagdula ug computer sa mga café, pagbarkada. paglaruy-laroy ug pag inum-inom. Mau ba nay imuhang ibalos sa mga kaayuhan sa imuhang ginikanan? Kay nganong dili man gyud patas ang kinabuhi dinhi sa kalibutan?